ABŞ-daky garly tupan 900 müňe golaý ýaşaýjyny elektrik toksuz goýdy
Fewral 24, 2023 | 15:39 |7447
ABŞ-nyň demirgazyk-gündogarynda 900 müňe golaý ýaşaýjy ýurtda emele gelen güýçli garly tupan sebäpli yşyksyz galdy. Bu barada dünýäniň KHBS-i Amerikanyň elektrik energiýasynyň berlişini yzarlaýan Power Outage portalynyň maglumatlaryna salgylanyp habar berýärler.
Tebigy betbagtçylykdan has köp Miçigan ştaty ejir çekdi. Onda 815 müňden gowrak sarp ediji elektrik toksuz galdy. Şeýle hem elektrik enegiýanyň köpçülikleýin öçürilmegi Nýu-Ýork, Illinoýs we Wiskonsin ştatlarynda hem bolup geçdi.
Bulardan başga, ýurduň beýleki künjeginde Kaliforniýada 32,5 müňe golaý ýaşaýjy toksuz galdy. Onuň hem sebäbi garly tupandyr.
Howanyň ýaramazlaşmagy sebäpli ABŞ-nyň uçar kompaniýalary 1,1 müňden gowrak uçar gatnawlary ýatyrmaly boldular.
ORIENT habarlar
