Türkmen halkynyň Milli Lideriniň adyna gelen gutlag haty
Onuň Alyhezreti, Türkmen halkynyň Milli Lideri, Türkmenistanyň Halk Maslahatynyň Başlygy jenap Gurbanguly Berdimuhamedowa
Siziň Alyhezretiňiz!
Belarus Respublikasynyň Milli Ýygnagynyň Respublika Geňeşiniň adyndan şanly sene – Belarus Respublikasy bilen Türkmenistanyň arasynda diplomatik gatnaşyklaryň ýola goýulmagynyň 30 ýyllygy mynasybetli tüýs ýürekden gutlaglarymy kabul ediň.
Türkmenistan Merkezi Aziýada Belarusyň möhüm hyzmatdaşlarynyň biridir. Gadymy taryhy kökler, ýurtlarymyzyň halklarynyň wagtyň synagyndan geçen hakyky dostlugy hem-de ruhy-ahlak gymmatlyklaryna ygrarlylygy döwletara gatnaşyklarynyň berk binýadyny emele getirýär.
Belarus-türkmen gatnaşyklarynyň mundan beýläk-de giň gerimli ugurlar boýunça uzakmöhletleýin ikitaraplaýyn hyzmatdaşlygyň yzygiderli pugtalandyrylmagyna we giňeldilmegine gönükdiriljekdigine ynanýaryn.
Siziň Alyhezretiňiz, Size berk jan saglyk we jogapkärli işiňizde üstünlikler baradaky arzuwlarymy, şeýle hem Size belent hormat goýýandygym baradaky ynandyrmalarymy kabul ediň.
Natalýa Koçanowa,
Belarus Respublikasynyň
Milli Ýygnagynyň Respublika Geňeşiniň Başlygy
