Türkmen telekeçilerine Arkadag şäheriniň senagat zolagynda ýer satyn almak teklip edilýär
Ahal welaýatynyň dolandyryş merkezi bolan täze Arkadag şäherinde senagat zolagynyň döredilmegi şäher ösüşiniň ikinji tapgyrynyň meýilnamasyna girizildi. Eýýäm şu wagtdan türkmen telekeçileri geljekki senagat zolagynda ýer satyn almak üçin Türkmenistanyň Senagatçylar we telekeçiler birleşmesine ýüz tutup bilerler - diýip, TSTB habar berýär.
Arkadag şäheriniň täze senagat etrabyny döretmek baradaky pikir 18-nji fewralda Türkmenistanyň Halk Maslahatynyň Başlygy Gurbanguly Berdimuhamedowyň Ahal welaýatyna iş saparynyň dowamynda mälim edildi. Halk Maslahatynyň Başlygy senagat zolagynyň daşky gurşawyň talaplaryny göz öňünde tutmak blen gurnalmalydygyny aýratyn belläp geçdi.
Şäheriň täze etrabynda tikinçilik, ýeňil we azyk senagaty kärhanalaryny döretmek meýilleşdirilýär. Zawodlar we fabrikler geljekde ilatyň iş bilen üpjünçilik derejesini ýokarlandyrar.
ORIENT news
