Türkmenistan Al Jazeera bilen media hyzmatdaşlygynyň mümkinçiliklerine garaýar
Telewideniýe, radiogepleşikler we kinomatografiýa baradaky döwlet komitetiniň düzüminde döredilen Türkmenistanyň Halkara maglumat merkezi (HMM) Al Jazeera öňdebaryjy arap teleýaýlymy bilen özara hyzmatdaşlyk etmegiň mümkinçiliklerine garaýar.
Maglumatlary we materiallary alyşmak derejesindäki hyzmatdaşlygyň geljegine Türkmenistanyň HMM-niň wekilleriniň Al Jazeera Aljazeera Media Network -ň halkara kommunikasiýalar boýunça menejeri Ihtişam Nibatullah bilen geçiren wideoşekilli duşuşygynda garaldy.
Hususanda, gürrüň giň Ýakyn Gündogar auditoriýasy bolan Katar telekanalynyň ýaýlymynda Tükmenistan barada dürli gepleşikleriň, dokumental filmleriň we wideoşekilleriň, ýurtda bolup geçýän möhüm wakalar barada habarlaryň we ş.m. taýýarlanylmagy we goýberilmegi barada boldy.
Duşuşygyň barşynda türkmen tarapy Al Jazeeranyň wekiline HMM-niň wezipeleri barada, esasy ugurlarynyň biriniň daşary ýurt kärdeşleri bilen işewür we dostlukly gatnaşyklary ýola goýmak, tejribe alyşmak, milli bähbitleriň dünýä maglumatlar bazaryna çykarylmagy, günüň halkara mediagörnüşlerini döretmekde KHBS-i bilen netijeli dialogy ösdürmek üçin şertleriň döredilmegi barada habar berdi.
Al Jazeera Media Network - ştab-kwartirasy Dohada ýerleşýän Kataryň halkara döwlete degişli bolan media-konglomeratydyr. Bu araplaryň Al Jazeera täzelikler ýaýlymynyň we başga-da birnäçe gurluşlaryň baş kompaniýasydyr. Onuň bütin dünýä boýunça 70 býurosy bardyr we ol 150-den gowrak ýurtda elýeterlidir.
ORIENT habarlar
