Sankt-Peterburgda üýtgeşik kitap sergisi açyldy
Sankt-Peterburgda "Burun bilen okamak" atly kitaplaryň “müşki-anbar” sergisi açyldy. Eksponatlar adaty däl, olar 20-nji asyryň edebi eserleriniň kükäp duran hoşboý kitap ysy – diýip, “Sankt-Peterburgskiýe wedomosti” neşiri habar berýär.
Kitap yslary kitaphanasynda 30 çüýşe bar, bular rus nusgawy edebiýaty bilen baglanyşykly bolan atyrlar ýygyndysynyň diňe bir bölegi.
Kitap "hoşboý ysly" çüýşe gap bilen birlikde hödürlenýär – eseri açyp, bellenen jünläni okan badyna, okyjynyň hyýal aty atlanyp, ony kitap sahypalarynyň çäginden uzaklara atarýar.
Adaty bolmadyk hoşboý yslar ýygyndysy "XX asyr" Döwlet edebiýat muzeýiniň usulyýetçileri tarapyndan hünärmen parfýumerler bilen bilelikde döredildi. Netijede, Gorkiniň "Eje" romanynda süýdüň we ýowşanyň, Strugaskihiň "Stalkerinde" ýanyp duran oduň ysy peýda boldy. Şeýle hem, myhmanlar Zoşşenkonyň “Gök kitabynyň” hoşboý ysy bilen we rus ýazyjylarynyň beýleki eserleriniň bark urýan müşki bilen tanşyp bilerler.
ORIENT news
