Turkish Airlines Stambul-Aşgabat gatnawyny her gün ýerine ýetirer
2023-nji ýylyň 24-nji martyndan başlap, Turkish Airlines awiakompaniýasy Aşgabada gatnawlarynyň sanyny artdyrar – uçuşlar türkmen paýtagtyna her gün ýerine ýetiriler.
Häzirki wagtda Türkiýäniň howa arkaly gatnadyjysy Aşgabada hepdede iki gezek – çarşenbe we şenbe günleri uçýar. 24-nji martdan başlap, uçuşlar her gün ýerine ýetiriler – Stambuldan uçuş 20:30-da bolup, Aşgabada 02:20-de gonulýar. Uçaryň yzyna uçýan wagty 03:45-de we Türki gelinýän wagt 05:55.
Täze tertip boýunça howa petekleri eýýäm satuwa gelip gowuşdy, olary awiakomapniýanyň www.turkishairlines.com saýtynda ýa-da iPhone we Android üçin goşundylaryň üsti bilen, şeýle hem petek satylýan ähli edaralaryndan satyn alyp bolar.
Howa petekleriniň Stambul (IST) – Aşgabat (ASB) bir tarap üçin bahasy 7,393 türk lirasyndan başlap, Aşgabat-Stambul ugry boýunça bolsa 367 ABŞ dollaryndan başlap satylýar.
Şeýle hem Turkish Airlines-iň Aşgabatdaky wekilhanasy howa arkaly gatnaýan ýolagçylara 23-nji martda Stambul (IST) – Türkmenbaşy (KRW) – Stambul ugry boýunça uçuş maksatnamasynyň tamamlanjakdygyny habar berýär.
ORIENT news
