Pakistan Merkezi Aziýanyň söwda-senagat palatalary bilen gatnaşyklary ýola goýýar
Pakistanyň Rawalpindi Söwda-senagat palatasynda (Penjap welaýatynyň şäheri we etraby) Aziýa eko-siwilizasiýalaryň barlagy we ösüşi instituty bilen hyzmatdaşlykda sebitleýin aragatnaşyk hyzmaty döredildi. Onuň maksady – söwdany ösdürmek, Azerbaýjanda we Merkezi Aziýanyň bäş ýurdy: Gazagystanda, Gyrgyzystanda, Täjigistanda, Türkmenistanda we Özbegistanda Söwda-senagat palatalary derejesinde B2B işewürlik ulgamlaryny we aragatnaşyklary döretmek üçin maglumat bermekden ybarat.
Täze desganyň açylyş dabarasyna Türkmenistanyň Pakistandaky ilçisi we diplomatik korpusyň wekili Atajan Möwlamow, Azerbaýjanyň ilçisi Hazar Farhadow, Gazagystanyň ilçisi Ýeržan Kistafin, Täjigistanyň ilçisi Ismatullo Nasredin we Kyrgyzystanyň ilçisi Ulanbek Totuýaýew, Özbegistanyň ilçisi Oýbek Usmanow, Rawalpindi palatasynyň ýolbaşçylary gatnaşdylar.
Diplomatlar öz çykyşlarynda Merkezi Aziýanyň bäş ýurdunyň we Azerbaýjanyň söwda we maýa goýum mümkinçilikleri barada çykyş etdiler. Dürli pudaklarda söwda mümkinçiliklerini ösdürmek, şol sanda syýahatçylyk, ybadat ýerlere zyýarat etmek, energetika we derman senagaty ýaly meseleler ara alnyp maslahatlaşyldy.
Töleg kanallaryny we wiza bermek proseduralaryny ýönekeýleşdirmek, şeýle hem göni uçuşlary ýola goýmak zerurlygy nygtaldy.
ORIENT news
