KHBS: Türkiýede täze ýer titremeler weýrançylyga getirdi
Duşenbe güni Antakýada güýji 6.3 ball dereje bolan ýer titremesi hasaba alyndy. Bu barada Ýewropa-Ortaýer deňziniň seýsmologiýa merkezi habar berdi. Onuň maglumatlaryna görä, hadysanyň merkezi 2 km çuňlukda ýerleşýär. Türkiýäniň Adatdan daşary ýagdaýlar boýunça müdirliginiň maglumatlaryna görä, sarsgyn 16 km çuňlukda emele gelipdir – diýip, TASS habar berýär.
Şol bir wagtyň özünde, Anadolu agentligi Türkiýäniň Adatdan daşary ýagdaýlar boýunça müdirligine salgylanyp, ýer titremesiniň güýjüniň 6,4 ball bolandygyny habar berýär.
Adatdan daşary ýagdaýlar boýunça müdirlikde bellenilişi ýaly, duşenbe güni agşam respublikanyň günorta-gündogarynda 17 minut tapawudy bilen iki sany güýçli ýer titremesi boldy. Birinjisi güýji 6.4 ball bolan sarsgyn Hataý welaýatynyň Defne etrabynda, ikinjisi 5,8 balla deň sarsgyn şol welaýatyň Samandag etrabynda bolup geçdi.
Habertürk teleýaýlymynyň belleýşi ýaly, Defne şäherinde weýrançylyk bar. Ýer sarsgynlary Siriýada, Liwanda, Kiprde we Ysraýylda hem duýuldy.
ORIENT news
