Sişenbe güni Türkmenistanyň käbir etraplarynda güýçli ýel bolmagyna we howanyň birden maýlamagyna garaşylýar

Fewral 21, 2023 | 10:05 |7246

Türkmenistanyň Mary, Lebap, Balkan welaýatlarynyň käbir etraplarynda we bölekleýin – Ahal welaýatynda güýçli ýel bolmagyna garaşylýar, şemalyň tizligi 20 m/s ýetip biler – diýip, «Meteožurnal» neşiri habar berýär.

Ahalyň günorta-gündogarynda şemalyň tizligi 12-17 m/s ýeter, käbir ýerlerde bolsa tozanly tupan we alagaraňkylyk bolmagy ahmal.

Käbir welaýatlarda şemalyň tizliginiň ýokarlanmagy bilen, howanyň temperaturasynyň birden gyzmagyna, Balkan welaýatynyň günortasynda we Ahalda +24 gradusa çenli gyzmagyna garaşylýar.

Howanyň maýlamagynyň sebäbi siklonyň ýalpak ýerden geçmegi we güýçli maýyl şemal bolup durýar.

ORIENT habarlar