Alymlar seriallara tomaşa etmegiň peýdasy hakynda gürrüň berdiler
Oksford uniwersitetiniň alymlary (Beýik Britaniýa) Orhusdaky (Daniýa) we Buenos-Aýresdäki (Argentina) kärdeşleri bilen seriallaryň we kinonyň adam bedenine edýän täsiri barada ylmy-barlag geçirdiler. Tejribeleriň netijeleri Science Advances žurnalynda çap edildi.
Ylmy-barlaga toslanyp tapylan kino dünýäsine çümülen mahaly kelle beýnisiniň işi barada maglumatlary almaga kömek eden 176 adam gatnaşdy.
Alymlar ýörite abzallaryň kömegi bilen olaryň dürli žanrlardaky: gülküli, melodrama, uruşly, fentezi filmlerine tomaşa edenlerinde synag edilýänleriň beýni işjeňligine syn etdiler.
Barlaglar filme ýa-da seriala çümme prosessinde beýniniň beýleki işleri ýerine ýeitrendäkä garanda has az hasaplama amala aşyrýandygyny görkezdi. Ýene-de geň galdyryjy fakt, goý dynç alnanda bolsun ýa-da hiç zat etmän oturanyňda, islendik halatda ol adamdan uly akyl tagallalaryny soraýar.
Materialyň awtorlary seriallara we filmlere tomaşa etmegiň adama stres bilen gowy baş alyp çykmaga kömek edýändigini, dürli ruhy bozulmalaryň hötdesinden gowy gelip bolýandygyny we çökgünlikden tiz çykyp bolýandygyny tassyklaýarlar.
Şeýle hem tomaşaçylaryň öz wagtlaryny sarp edýän kinolentanyň žanry uly ähmiýete eýedir. Gorkunç filmlere tomaşa etmegi halaýanlaryň dowamly agyrynyň hötdesinden gowy gelýändiklerini we bedendäki dürli ýakymsyz duýgylary has ýeňil geçirýändiklerini ylmy-barlagçylar belleýärler.
ORIENT habarlar
