TDHÇB-daky söwdalaşyklar: uçar kerosini, tehniki ýod we nah ýüplügi eksport edildi
Penşenbe güni, 16-njy fewralda Türkmenistanyň Döwlet haryt-çig mal biržasyndaky söwdalaşyklarda jemi bahasy $4 mln amerikan dollaryna we 262 müň türkmen manadyna deň bolan 4 geleşik baglaşyldy – diýip, ORIENT-iň habarçysy habar berýär.
BAE-niň wekili söwdalaşyklaryň barşynda her tonnasyna $814 amerikan dollary nyrh kesip, Jet A-1 kysymly uçar kerosininiň 3 müň tonnasyny satyn aldy. Geleşigiň jemi bahasy $2,4 mln amerikan dollaryna deň boldy.
Hytaýdan gelen işewür «A» kysymly tehniki ýoduň 25 tonnasyny $1.5 mln amerikan dollaryna satyn aldy. Önümiň her tonnasyna $62,5 müň amerikan dollary baha berildi.
Irlandiýadan gelen telekeçi nah ýüplüginiň 12,6 müň kg $27 müň amerikan dollaryna satyn almak barada geleşik baglaşdy. Türkiýäniň wekili hem nah ýüplüginiň 8,4 müň kg 262,5 müň TMT satyn aldy.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT habarlar
