Azerbaýjanlynyň işläp düzen gurluşy Türkiýädäki ýykylan jaýlaryň aşagyndan 14 adamy halas etmäge kömek etdi
Azerbaýjanly Jeýhun Halilow tarapyndan işlenip taýýarlanan gurluş türkleriň Kahramanmaraşynda gözleg-halas ediş işleriniň çäklerinde 14 adamyň ömrüni halas etmäge kömek etdi – diýip, Anadolu agentligi habar berýär.
Iki sany kamera we diktofon bilen enjamlaşdyrylan gurluş ejir çekenleriň ýerleşýän ýerini «skanirlemäge» we anyklamaga, soňra bolsa olar bilen aragatnaşyga girmäge mümkinçilik berýär. Ýakyn aralyklar üçin gurluş endoskopiki kamerany ulanýar, uzak aralyklar üçin – «gigra-kameradan» peýdalanýar.
Ýykylan jaýlaryň aşagynda adam tapylan halatynda Jeýhun bu barada Adatdan daşary ýagdaýlaryň öňüni almak we netijesini ýok etmek baradaky müdirligiň işgärlerine (AFAD) ýa-da beýleki halas edijilere habar berýär.
Gurluşyň kömegi bilen ilkinji gezek 9-njy fewralda 17 ýaşly gyzy tapmak başartdy.
Žurnalistler bilen söhbetdeşlikde Jeýhun goňşy ýurtdaky betbagtçylyk hakynda eşiden badyna ol özüniň betbagtçylyk zolagyna ugraýan halas edijileriň hataryna goşulmagy üçin haýyş bilen ýüz tutupdyr. Bar bolan birinji uçar bilen, azerbaýjanly Ankara şäherine gelýär, 8-nji fewralda bolsa eýýäm Kahramanmaraşda bolýar.
«Maňa bagly bolan ähli zatlary edýärin. Betbagtylyk zolagynda näçe wagt galmak gerek bolsa, şonça-da galaryn» - diýip, ol ynandyrdy.
ORIENT habarlar
