«Halkbank» edaralara we telekeçilere onlaýn-söwdany ýola goýmaga kömek edýär
Türkmenistanyň «Halkbank» paýdarlar täjirçilik banky döwlete degişli we hususy kärhanalara onlaýn-söwdany guramak üçin platforma berýär.
Şu günki günde bankyň elektron-söwdasynyň platformasynyň esasynda Aşgabat şäher telefon ulagmynyň , Türkmenistanyň Döwlet ätiýaşlandyryş guramasynyň we beýleki edaralaryň internet saýtlary işleýär.
AşGTS web-sahypasynyň kömegi bilen müşderi öňünden bankomatda «SMS-habarnamany» baglap, islendik wagtda internet, öý telefony we IP-telewideniýe üçin töleg geçirip bilýär.
Ýurdumyzyň Döwlet ätiýaçlandyryş guramasynyň saýty fiziki we ýuridiki şahslar üçin meýletin we hökmany ätiýaçlandyrmanyň dürli görnüşlerini resmileşdirmäge, şeýle hem resmileşdirmäniň tölegini internet üsti bilen geçirmäge mümkinçilik berýär.
Döwlet düzümlerinden başga-da, bank hususy kärhanalara we beýleki edaralara-da hyzmat edýär. Olaryň arasynda – sanly elektronika enjamlaryny we hojalyk tehnikasyny satmak boýunça «Ak Yol Computers» kompaniýasynyň internet-dükanyny, «Bagtyýar» otelini we ş.m. görkezmek bolýar.
Oteliň saýtynda syýahatçylar otagy saýlap we ony sargyt edip bilýärler, soňra bolsa onlaýn-töleg geçirip bilýärler.
Ýokarda görkezilen saýtlaryň ählisinde töleg geçirmek üçin «Altyn Asyr» bank kartynyň rekwizitlerini girizmeli, ýagny belgisini, kartyň hereket edýän möhletini, kartyň eýesiniň familiýasyny we adyny, CVC kody. Eger-de CVC kod kartyň arka tarapynda görkezilmedik bolsa, ony özüňize hyzmat edýän banka ýüz tutup ýa-da islendik bankomatyň üsti bilen bilip bolýar.
ORIENT habarlar
