22-nji fewralda Gazagystanyň Türkmenistan bilen serhedinde elektron nobaty giriziler
Fewralyň ahyryna çenli Gazagystanyň Türkmenistan we Özbegistan bilen döwlet serhetlerindäki geçiriş nokatlarynda elektron nobaty giriziler. Olaryň hatarynda – 22-nji fewraldan “Temir-baba” we 27-nji fewraldan – “Tažen” geçiriş nokatlary bar. Geçiriş nokatlaryň ikisi-de Mangistau oblastynda ýerleşýär. Birinjisi – Türkmenistan bilen, ikinjisi – Özbegistan bilen serhetdedir. Bu barada GR-niň Döwlet girdejiler komitetiniň metbugat-gullugyna salgylanyp, “Kazinform” habar berýär.
2022-nji ýylyň 23-nji noýabryndan gazak-hytaý serhediniň birnäçe geçiriş nokatlarynda elektron nobaty -- «CarGoRuqsat» hyzmaty ornaşdyryldy. Hyzmat Qoldau.kz sanly platformada işe girizildi we ol ulanyjylar üçin mugtdyr.
Elektron nobat ulgamy gazagystanly işläp düzüjiler tarapyndan döredildi we hyzmat edilýär. Ulgamda 7,5 müňe golaý ulanyjylar bellige alnyp, olar tarapyndan öňünden nobat bellemek üçin amallaryň 84 müňüsi ýerine ýetirildi.
Işläp düzüjileriň habar bermegine görä, hyzmat yzygiderli özgerdilip gowulandyrylýar. Tiz wagtdan şahsyýetiň Face ID arkaly barlanylmagy bilen onuň üsti ýetiriler, şeýle hem daşary ýurtly raýatlar üçin şahsyýetiň bank karty arkaly tassyklanylmagy işläp başlar.
«CarGoRuqsat» elektron nobaty ulgamynyň hyzmatynyň wezipesi ýük daşaýjylaryň nobaty öňünden belläp bilmeklerini we bu nobatyň aç-açan bolmagyny gazanmakdan ybaratdyr. Munuň özi, ilkinji nobatda, daşaýjylaryň nobaty öňünden belleýän wagtlarynda, format-logistik gözegçiligini geçýändikleriniň hasabyna ýükli ulaglaryň serhetden geçmegini tizleşdirer. Ulgam ýüz tutanyň salgytlar boýunça, tölegli ýollardan sürlendigi üçin bergileriniň bardygyny-ýokdugyny barlaýar, tirkeginiň bellige alnandygyny we beýlekileri barlaýar. Hyzmatyň ikinji wezipesi – serhetde nobat bilen baglanyşykly bikanun pirimleriň töwekgelçiliklerini azaltmakdan ybaratdyr.
ORIENT news
