Türkmen estradasynyň ýyldyzlary Moskwada konsert berdiler
Türkmen estradasynyň ýyldyzlary Moskwada konsert bilen çykyş etdiler – diýip, Türkmenistanyň Kazandaky Baş konsullygynyň saýty habar berýär .
Özüniň hitlerini Russiýanyň paýtagtynyň iň gowy sahnalarynyň biri bolan Vegas City Hall-da Azat Dönmezow ýerine ýetirdi, sazandalar Serdar Haýdarow we Atajan Eýýubow bolsa üflenip çalynýan we urulyp çalynýan gündogar saz gurallarynda ussatlyk görkezdiler.
Moskwanyň tomaşaçylarynyň öňünde şeýle hem Türkmenistandaky diňleýjileriň söýgüsini gazanan Kerim Ylýasowyň ýolbaşçylygyndaky “Güneş” aýdym-saz topary hem çykyş etdi.
Türkmenleriň Russiýada kowçumlaýyn ýaşaýan wekillerinden, Russiýanyň ýokary okuw mekdeplerinde okaýan talyplardan başga-da, konserte GDA ýurtlarynyň diplomatik korpusynyň agzalary hem bardylar.
“Moskwada türkmen artistleriniň konserti örän seýrek bolýan zat we şol sebäpli hem – gaty göresiň gelýän zatdyr. Ýygnanan tomaşaçylaryň köp bölegi üçin türkmen saz sungaty ýakyn we düşnükli boldy, ýöne Moskwa meýdançasynyň ýokary plankasy köp zada borçly edýär”- diýip, baş konsullygyň çap eden habarynda aýdylýar.
Türkmen artistlerinden başga-da, bu agşamda rus pop-sahnasynyň ýyldyzlary hem çykyş etdiler.
Konsertiň Türkmenistanyň we Russiýanyň döwlet baştutanlarynyň medeni alyş-çalyşy giňeltmek baradaky ylalaşyklarynyň netijesi bolandygyny belläp geçmelidiris.
ORIENT habarlar
