Türkmenistan Abu-Dabide geçiriljek maýa goýum kongrese gatnaşmaga çagyrylýar
Türkmenistanyň döwlete degişli we hususy pudaklarynyň wekillerine 12-nji gezek BAE-niň paýtagty Abu-Dabide 2023-nji ýylyň 8-10-njy maýynda geçiriljek her ýylky geçirilýän maýa goýum kongresinde (The Annual Investment Meeting) garaşýarlar.
Bu ýyl kongresiň temasy – «Maýa goýum paradigmasynyň çalşylmagy: durnukly ykdysady ösüşe, dürlülige we gülläp ösüşe ýardam etmek üçin geljekki maýa goýum mümkinçilikleri».
Her ýylky geçirilýän duşuşyk hökümetlere, kiçi we orta işewürligiň wekillerine, startaplara we maýa goýumçylara dünýä ykdysadyýetindäki wakalary, maýa goýum meýillerini maslahatlaşmak üçin meýdança bolar, şeýle hem işewürligiň giňelmegine ýardam etjek nou-hau paýlaşmaga mümkinçilik berer. Ol şeýle hem telekeçilere we paýdarlara ynamly maýa goýum meýilleşdirmesi üçin innowasion strategiýalary işläp düzmäge mümkinçilik berer.
Duşuşygyň çäklerinde iň gowy maýa goýum taslamalary üçin AIM Global 2023 Investment Awards baýragynyň gowşurylyş dabarasy bolar. Ýüz tutmalary tabşyrmak üçin soňki möhlet – 15-nji mart kongresiň saýtynda .
Özüniň döredilen wagtyndan bäri The Annual Investment Meeting Ýakyn Gündogardaky öňdebaryjy maýa goýum platformasy hökmünde özüni tanatdy, onuň maksady – maýa goýum mümkinçiliklerini döretmek, ykdysady ösüşe çuňňur täsir etjek bütindünýä ähmiýetli meseleleri çözmekdir. Kongres ýyl-ýyldan giňelmegini dowam etdirýär.
ORIENT habarlar
