Türkmenistanda «Pyragy» atly täze şrift döredildi
Türkmenistanda birnäçe ýyl bäri hereket edip gelýän "Belli Creative" studiýasy tarapyndan täze «Pyragy» şrifti döredildi. Täze taslama nusgawy şahyr Magtymguly Pyragynyň doglan gününiň 300 ýyllygyna we beýik akyldaryň döredijiliginiň sanly giňişlikde ýaýbaňlanmagyna bagyşlanýar.
Dizaýnerler "Pyragy" şriftini sözbaşylary we beýleki ýörite tekstleri ýazmakda, şol sanda çeper ýazuwda ulanmagy maslahat berýärler. Täze şrift filmleriň, konsertleriň, teatrlaryň afişalaryny bezemäge kömek eder.
Ol edebi we aýdym-saz eserleriniň, mahabat afişalarynyň, kitap, žurnal örtükleriniň bezegi, we beýleki dizaýn işleri üçin amatlydyr.
"Pyragy" şriftiniň "Belli Creative" dizaýn studiýasynyň üçünji taslamasydygyny bellemek isleýäris. Studiýa tarapyndan ozal "Aşgabat2017" we "Garagum" taýp feýsleri işlenip taýýarlanyldy.
ORIENT news
