Ilon Mask öz itini Twitteriň baş direktory wezipesine «belledi»

Fewral 15, 2023 | 15:29 |7430

Twitteriň eýesi we dünýädäki iň baý adamlaryň biri Ilon Mask kompaniýanyň täze baş direktorynyň «wezipä bellenişiniň» suratyny çap etdi. Suratda onuň sibainu tohumyndan bolan köpeginiň öňünde resminamalar ýatyr, olarda köpegiň penjesiniň yzlary görnüşinde möhür bar, adyň gabadynda bolsa – Floki (Maskyň köpeginiň ady) ýazylypdyr.

«Twitteriň täze baş direktory ajaýyp... beýleki oglana garanda has gowy! Onuň sanlardan gowy başy çykýar!» – şeýle görnüşde özüni örän geň alyp barýan milliarder itli suratyň aşagyna ýazdy.

Geçen ýylyň dekabrynyň aýagynda Twitteriň eýesi bu wezipä «akmak birini» we oňa laýyk gelýän kimdir birini tapan mahaly baş direktor wezipesinden gitjekdigini beýan edipdi.

ORIENT habarlar