Türkmenistanyň Döwlet daşary ykdysady iş banky we First Abu Dabi Bank dirhemde korrespondent hasabyny açarlar
Türkmenistanyň Döwlet daşary ykdysady iş banky we BAE-niň First Abu Dabi banky dirhemde korrespondent hasabyny açmak barada ylalaşdylar – diýip, BAE-niň Türkmenistandaky ilçihanasynyň Instagram sahypasynda habar berilýär.
Ylalaşyga Türkmenistanyň Döwlet daşary ykdysady iş bankynyň başlygy Rahymberdi Jepbarow we First Abu Dabi bankyň direktorlar geňeşiniň agzasy Muhammad Saif Al Suwaýdi tarapyndan Türkmenistanyň Halk Maslahatynyň Başlygy Gurbanguly Berdimuhamedowyň BAE-ne bolan resmi saparynyň çäklerinde gol çekildi.
Banklar korrespondent hasaplaryny bir maliýe edarasynyň beýleki maliýe edarasynyň tabşyrmagy we onuň serişdelerine edilýän amallary şöhlelendirmek üçin ulanýarlar. Bu hasaplar şeýle hem walýutany çalyşmagy ýeňilleşdirmäge, nagt däl amallary we elektron geçirimleri ýeňilleşdirmäge ýardam edýär.
First Abu Dhabi Bank Birleşen Arap Emirlikleriniň uly banklarynyň biridir, ol First Gulf Bank bilen Abu-Dabiniň milli bankynyň birleşmeginiň netijesinde döredildi. 2020-nji ýylyň ahyrynda bankyň aktiwleri 919 mlrd dirheme ($250 mlrd) deňdi.
FAB maliýe çözgütlerini we hyzmatlaryny korporatiw we maýa goýum bankinginiň franşizalarynyň üsti bilen, şeýle hem personal bankingiň üsti bilen teklip edýär. Global Finance First Abu Dhabi Bank-ny BAE-däki we Ýakyn Gündogardaky iň howpsuz bank diýip ykrar etdi.
ORIENT habarlar
