Türkmen hünärmenleri saglyga howp salmany habardar etmek babatynda tejribäni özleşdirýärler
Türkmen hünärmenleri howp salmalar barada habardar etmegiň we jemgyýetçiligi seslenmek işine çekmegiň, şeýle hem saglygy goraýyş ugrundan tersin aragatnaşygyň mehanizmini döretmegiň aýratynlyklary bilen tanyşdylar. Bu barada ÝUNISEF-iň Türkmenistandaky wekilhanasynyň metbugat habarynda aýdylýar.
Okuw kursy jemgyýetleriň geljekki betbagtçylyklara durnuklylygyny ýokarlandyrmak üçin ilatyň arasynda howplar we öňüni alyş çäreleri barada habarnamalary işläp düzmek we ýaýratmak babatynda milli tälimçileriň mümkinçiligini ýokarlandyrmaga niýetlenendir.
«COVID-19 pandemiýasynyň tutuş dünýäde ýaýramagy adamyň durmuş ýaşaýşyna uly täsir etdi, ol diňe bir jemgyýetçilik saglygy goraýşyna däl, eýsem bütin dünýäde durmuşyň sosial we ykdysady jähtlerinde taýsyz mesele döretdi. ÝUNISEF we onuň esasy hyzmatdaşlary saglygy goraýyş babatynda adatdan daşary ýagdaýlarda strategiki çemeleşmäniň ugunlaşmasynyň netijeli özara herekete we jemgyýetçilik bilen aragatnaşyga ähmiýet berdiler – diýip, ÝUNISEF-iň Türkmenistandaky wekili Mohammad Faýýazi özüniň ýüzlenmesinde belledi.
Üç günlük türgenleşik okuwy ÝUNISEF-iň Türkmenistandaky wekilhanasy we Türkmenistanyň Saglygy goraýyş we derman senagaty ministrligi bilen bilelikde we Filadelfiýanyň (ABŞ) Dreksel uniwersiteti tarapyndan gibrid formatynda gurnaldy. Oňa Türkmenistanyň Saglygy goraýyş we derman senagaty ministrliginiň, jemgyýetçilik guramalarynyň wekilleri, şeýle hem Dreksel uniwersitetiniň Jemgyýetçilik saglygy goraýyş mekdebiniň bilermenleri gatnaşdylar.
Geljekde tälimçiler şuňa meňzeş okuw kurslaryny tutuş Türkmenistan boýunça degişli ugruň hünärmenleri üçin geçirerler.
ORIENT habarlar
