Alymlar öýkenleri dümewden we koronawirusdan goramak üçin "göze görünmeýän” agyz-burun örtügini döretdiler
Gorag serişdesi öýkenleri dümewden we koronawirusdan goramaga gönükdirilen ingalýator bolup, Demirgazyk Karolina uniwersitetiniň hünärmenleriniň bu oýlap tapmasy agyz-burun örtügini ulanyp bolmaýan halatynda onuň ornuny çalyşmaga kömek eder – diýip, “Nature Materials” žurnalynda habar berilýär.
Alymlaryň täze açyşy dem almak üçin niýetlenen ýörite toz bolup, ol sferik gidrogel bolan želatinden we akril kislotasyndan ybaratdyr we öýkeniň tebigy örtügi bilen birleşende, oňa patogenleriň aralaşmagynyň öňüni alýan gorag gatlagyny döredýär.
Synaglarda örtük ýokary derejedäki gorag ukybyny görkezdi - sanjymdan soň, onuň täsiri bir gije-gündize çenli saklandy. Iň aýdyň netijelilik ilkinji sekiz sagatda ýüze çykaryldy. Ingalýatoryň gaýtadan ulanylmagy dem alyş ýollaryna zyýan ýetirmeýär. Bu madda 48 sagatdan soň bedenden doly çykarylýar.
Taslamanyň awtorlarynyň pikiriçe, täze açyş "göze görünmeýän örtük" hökmünde, adaty şahsy gorag çäreleri bilen baglanyşykly kynçylyklar ýüze çykan adamlar üçin örän amatly. Mysal üçin, sport bilen meşgullanýan wagtynda ýa-da köpçülik ýerlerinde naharlanýan pursatlary amatly gorag bolup hyzmat eder.
ORIENT news
