TDHÇB-daky söwdalaşyklar: dokma önümleriniň dürli görnüşleri eksporta ugradyldy
Şenbe güni, 11-nji fewralda Türkmenistanyň Döwlet haryt-çig mal biržasyndaky söwdalaşyklarda jemi bahasy $1,3 mln amerikan dollaryna we 13,2 mln türkmen manadyna deň bolan 4 geleşik baglaşyldy – diýip, ORIENT-iň habarçysy habar berýär.
Gyrgyzystanyň we Azerbaýjanyň işewür toparlarynyň wekilleri tekiz boýalan we žakkard tüýjümek önümleriň 252 müň kg satyn aldylar. Geleşikleriň jemi bahasy $1,3 mln amerikan dollaryna deň boldy.
BAE-den gelen işewürler nah ýüplüginiň dürli görnüşleriniň 396 müň kg 13,2 mln türkmen manadyna satyn aldylar.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT habarlar
