50 ýyla golaý wegetariýan bolan Drozdow etiň iýmitde möhümdigini boýun aldy
Belli rus zoolog alymy professor Nikolaý Drozdow köp ýyllaryň dowamynda et iýmändigi sebäpli gapyrgasyny döwdürendigini boýun aldy. Bu barada ol 7days.ru. beren söhbetdeşliginde gürrüň berdi.
85 ýaşly alym öz jaýynyň howlusynda ýykylyp, gapyrgasyny döwdürenden soň üç hepdeläp hassahanada ýatdy. Mundan başga-da, gapyrgalaryň biri öýkene sünjülipdir.
«Bularyň ählisi – meniň wegetariýanlyk durmuş ýörelgämiň netijesidir. Eti näme-de bolsa iýmeli. Men soňky wagtda ony öz iýmitimiň düzümine goşup başladym. Şuňa çenli bolsa uzak ýyllaryň dowamynda et iýmedim. Lukmanlar eger-de et iýmeseň döwülmeleriň ýygy-ýygydan bolup biljekdigini aýtdylar. Görýäňizmi, indi gapyrgalara-da baryp ýetdi» – diýip, zoolog sözüni jemledi.
Nikolaý Drozdow 1975-nji ýyldan bäri erjellik bilen wegetariýanlyk ýörelgesine eýermek bilen, «Haýwanat dünýäsinde» atly telegepleşigiň alyp baryjysy hökmünde has meşhurdyr. Ol Jemgyýetçilik Ylymlarynyň Halkara Birleşmesiniň agzasydyr, Nýu-Ýorkuň Ylymlar akademiýasynyň hem agzasydyr we beýleki iri ylmy-barlag düzümleriniň hem agzasy bolup durýar.
ORIENT habarlar
