Russiýanyň ylmy edaralary indi daşary ýurt talyplaryny okuwa kabul edip bilýärler
Fewral 14, 2023 | 11:19 |5767
Russiýanyň ylmy edaralarynyň indi daşary ýurt talyplaryny hünärmenlik maksatnamasy boýunça okatmaga haklary bardyr, bu Putin tarapyndan gol çekilen kanundan gelip çykýar – diýip, consultant.ru hukuk maglumaty portaly habar berýär. Ozal şeýle hukuk diňe ýokary okuw mekdeplerine berilýärdi.
Ylmy edaralaryň sanawy, kabul etmegiň tertibi we ondan çykarmagyň tertibi ýurduň hökümeti tarapyndan tassyklanar. Ylmy edaralara ylmy-barlag institutlary, ýokary okuw mekdepleriniň, ýerli özüňi dolandyryş edaralarynyň we senagat kärhanalarynyň ýanyndaky konstruktorçylyk, taslama we tehnologik edaralar degişlidir.
ORIENT habarlar
