Aşgabatda ähli aşyk-magşuklaryň gününe bagyşlanan ussatlaryň Ýarmarkasy geçirildi
Ussatlaryň nobatdaky ýarmarkasy «Aşgabat» SDM-de geçdi. Bu gezek gelip görýänlere hödürlenen sowgatlyklar we elde ýerine ýetirilen işler ussatlar tarapyndan ähli aşyk-magşuklaryň gününe taýýarlandy.
Tema boýunça edilen harytlar ýönekeý sowgatlar bilen çäklenmäge öwrenişmedik adamlaryň islegini doly kanagatlandyryp bildi. Ýarmarka şeýle hem gelýän adamlary – owadan ýakalary, açara dakylýanlary, oýunjaklary, nyşanjyklary, suratlary we öýde we hojalykda ulanylýan beýleki ownujak zatlary halaýanlary begendirdi.
Ussatlaryň ýarmarkasy Türkmenistanda 2017-nji ýyldan bäri her aýda birnäçe gezek, esasan-da, «Aşgabat» we «Bagtyýarlyk» söwda merkezleriniň çäklerinde geçirilýär. Onda ýurduň ähli welaýatlaryndan el işiniň ussatlary gatnaşýarlar. Oňa tutuş maşgala bolup gatnaşýanlaram bar. Köp çagalar we ýetginjekler, öz ejelerine we enelerine seredip, el işleri bilen meşgullanyp başladylar.
Döredijilik özüňi görkezmäge we özboluşly zatlary oýlap tapmaga mümkinçilik berýär. Ýarmarka gatnaşýanlar bu ýere höwes bilen gelýärler, ussatlaryň işlerinden lezzet alýarlar we öz ýakynlary we dostlary üçin sowgatlary we ýadygärlik sowgatlyklary satyn alýarlar. Ýarmarka köpleri birleşdirýär, wagty ýakymly gurşawda we döredijilik ýagdaýynda geçirmäge mümkinçilik berýär.
Bu gezekki ýarmarkada hemmeler oňyn hyjuwlydylar: oňa ganaşýan her bir gatnaşyjynyň ýüzüne seredip anyk görüp bolýar - hemmeler durnuklylyk we dürlülik bilen hoşal. Ýarmarka paýtagtyň adaty ýaşaýjylarynyň durmuşyna girmegi başardy we indi ony öz-özünden bolýan zat hökmünde kabul edýärler. Eger-de öňler oňa ajaýyp sergi hökmünde garasalar, häzir – bu öz işiniň ussatlarynyň we höwesjeňleriň öz önümini ýerlemek üçin amatly meýdançasydyr.
ORIENT habarlar
