Eýran Yslam Respublikasynyň Türkmenistandaky Medeniýet günleriniň açylyş dabarasy
Eýran Yslam Respublikasynyň Türkmenistandaky Medeniýet günleriniň açylyş dabarasy
12-nji fewralda paýtagtymyzda Eýran Yslam Respublikasynyň Türkmenistandaky Medeniýet günleriniň açylyş dabarasy hem-de dostlukly ýurduň artistleriniň konserti boldy. Döwlet Medeniýet merkeziniň Mukamlar köşgünde Eýranyň medeniýet günleriniň açylyş dabarasy mynasybetli bu ýere Türkmenistanyň Medeniýet ministrliginiň we onuň edaralaryň, giň jemgyýetçiligiň, Aşgabatda işleýän diplomatik wekilhanalarynyň, köpçülikleýin habar beriş serişdeleriniň wekilleri, ýurdumyzyň medeniýet we sungat işgärleri, ugurdaş ýokary okuw mekdepleriň mugallymlary we talyplary ýygnandylar.
EYR-niň döredijilik wekiliýetiniň düzüminde medeniýet ulgamynyň ýolbaşçylary we hünärmenleri, döredijilik toparlary, suratkeşler, halk senetçiliginiň hem-de sportuň gadymy milli görnüşleriniň ussatlary hem bar.
Soňra bu ýerde Eýranyň medeniýet ussatlarynyň konserti boldy. Onuň maksatnamasyny meşhur halk aýdym-sazlaryny ýerine ýetirijileriň, “Kormanj” we “Ronak” belli döredijilik toparlarynyň çykyşlary düzdi.
Şeýle hem bu ýere ýygnanlar medeni forumyň maksatnamasy bilen tanyşdyrylyş dabara gatnaşyjylar iki ýurduň döwlet baştutanlaryna köpugurly hyzmatdaşlyk syýasatyny alyp barýandyklary, halklara parahatçylykda we ylalaşykda ýaşaýan goňşy döwletleriň arasynda özara medeni gatnaşyklaryň giňeldilmegi üçin hoşallyk bildirdiler.
Soňra dostlukly ýurduň wekiliýeti Türkmenistanyň Döwlet Medeniýet merkeziniň döwlet muzeýine aýlanyp gördüler. Myhmanlar bu ýerde bolmak bilen muzeýde ýerleşdirilen gymmatlyklary ýakyndan synlamaga mümkinçilik aldylar.
Mälim bolşy ýaly, Hormatly Prezidentimiziň hem-de türkmen halkynyň Milli Lideri Gahryman Arkadagymyzyň baştutanlygynda ýurdumyzda taryhy ýadygärliklerimizi, muzeý gymmatlyklarymyzy gorap saklamak, olary geljekki nesilleri ýetirmek ugrunda uly işler alnyp barylýar. Muňa Eýran Yslam Respublikasyndan gelen myhmanlar hem aýdyň göz ýetirdiler. Olar munuň üçin Hormatly Prezidentimize hem-de Türkmen Halkynyň Milli Lideri Gahryman Arkadagymyza alkyş sözlerini beýan etdiler.
