Gazagystan 2025-nji ýyla çenli 5 serhetýaka söwda-logistiki hablary gurar
Gazagystan öz araçäkleriniň perimetri boýunça goňşy döwletler bilen söwdany giňeltmek üçin 2025-nji ýyla çenli 5 sany söwda-logistiki hablary gurar – diýip, ElDala.KZ habar berýär.
«Gyrgyzystan bilen araçäkde Žambyl oblastynda Senagat söwda-logistiki toplumy dörediler. Türküstan oblastynda Özbegistan bilen araçäkde – «Merkezi Aziýa» ady bilen senagat kooperasiýasynyň Halkara merkezi dörediler. Günbatar-Gazagystan oblastynda Russiýa bilen araçäkde «Ýewraziýa» atly üstaşyr söwda Merkezini gurmak hem meýilleşdirilýär. Mangistau oblastynda «Hazar düwüni» atly konteýner haby peýda bolar, Hytaý bilen araçäkde bolsa «Horgos düwüni» atly serhetýaka toplumy gurlar» – diýip, Gazagystanyň Söwda we integrasiýa ministrligi habar berýär.
Söwda-logistiki hablaryň işjeňligi ikitaraplaýyn söwda-ykdysady gatnaşyklaryň ösdürilmegine gönükdiriler, şeýle hem taslamalaryň senagat boýunça hyzmatdaşlygyny durmuşa geçirmek üçin şertleri döreder, goňşy döwletleriň telekeçileriniň arasyndaky gatnaşyklary işjeňleşdirer we olaryň arasyndaky haryt dolanyşygyny artdyrar.
ORIENT habarlar
