Google özüniň emeli intellektindäki ýalňyşlyk sebäpli maýa girdejisiniň 100 mlrd dollaryny ýitirdi
Google kompaniýasynyň emeli intellektli täze çat-boty Bard reklama roliginde nädogry maglumaty paýlaşandan soň, onuň bazardaky bahasy $100 mlrd aşaklady – diýip, Reuters habar berýär.
Reklamada çat-bota sorag berýärler: «Jeýms Uebbiň (JWST) älem teleskopynyň haýsy täze açyşlary barada men 9 ýaşly çaga nämeleri aýdyp bilerin?», bu sowalaBard jogaplaryň birnäçesini berýär, olaryň biri JWST-nyň planetalaryň Gün ulgamynyň daşyndaky ilkinji suratlarynyň birini almak üçin ulanylandygy baradaky çaklama boldy. Emma ilkinji suratlar Ýewropanyň günorta obserwatoriýasynyň Ägirt Uly Teleskopy tarapyndan 2004-nji ýylda düşürilipdi, muny NASA tassyklady.
Şundan soň kompaniýanyň paýnamalary 9% pese gaçdy. Google kompaniýasynyň wekilleri Bardy synagetjekdiklerini we Emeli intellektiň ähli jogaplarynyň hiliniň ölçeglere gabat gelýänçä we hakyky maglumata esaslanýança ony çykarmajakdyklaryny aýan etdiler.
EI ulanmak arkaly çat-bot Bard Google kompaniýasy tarapyndan OpenAl-yň çat-boty Chat GPT bilen bäsleşmek üçin döredilipdi, Chat GPT bütin dünýäde örän tiz meşhurlyga eýe bolupdy.
ORIENT habarlar
