Turkish airlines Türkiýäniň ejir çeken etraplaryndan 80 müň adamy tölegsiz çykardy
Turkish airlines awiakompaniýasy Türkiýäniň ejir çeken etraplaryna 177 uçuşy amala aşyryp, ol ýerden 82 müň adamy çykardy – diýip, Türkiýäniň Türkmenistandaky ilçihanasynyň KHBS-i üçin maglumatynda aýdylýar.
Bar bolan maglumatlara görä 17 müň 674 adam tebigy betbagtçylygyň pidasy boldy, 72 müň 879 adam ýaralandy. Ýer titreme zerarly Gaziantep we Kahramanmaraş, şeýle hem Hataý, Adyýaman, Diýarbakyr, Malatýa, Osmaniýe, Elazyg, Kilis, Şanlyurfa we Adana welaýatlarynda 6 müň 444 bina weýran boldy.
Weýrançylyklaryň zolagynda 1 mln-dan gowrak wagtlaýyn alyp gitmek nokatlary döredildi, tebigy gazyň esasy geçirijileriniň 9 müňden gowragyabatlandy. Dikeldiş işlerine 100 mlrd türk lirasy bölünip berildi.
Ýer titreme netijesinde ejir çeken her bir raýata 10 müň türk lirasy tölener – diýip, düýn Türkiýäniň prezidenti Rejep Taýyp Ärdogan beýan etdi.
Tema boýunça täzelikler:
Türkiýedäki betbagtçylyga Türkmenistanyň raýatlary hem duçar boldular
Türkiýäniň Türkmenistandaky diplomatik wekilhanasy ýer titremesinde ejir çekenler üçin hasap açdy
Türkmenistan ýer titremesinden ejir çeken Türkiýä ynsanperwerlik kömegini ugratdy
ORIENT habarlar
