Meta Trampyň Facebookdaky we Instagramdaky hasaplaryny dikeltdi
Penşenbe güni Meta korporasiýasy ABŞ-nyň ozalkyprezidenti Donald Trampyň Facebookdaky hasabyny iki ýyllyk blokirlenenden soň dikeltdi.
TASS-yň habar bermegine görä, birnäçe minut soňra Trampyň Instagram sosial torundaky sahypasy hem işläp başlady, ol hem Meta korporasiýasyna degişlidir.
Ozalky amerikan lideriniň hasaplaryna elýeterliligi dikeltmek baradaky meýilleri barada korporasiýanyň global meseleler boýunça baştutany Nik Klegg ýanwaryň aýagynda beýan edipdi.
Trampyň Facebookdaky we Intagramdaky sahypalary onuň tarapdarlary 2021-nji ýylyň ýanwarynda Kapitoliýa hüjüm edenlerinden soň blokirlenipdi.
Ozal Trampyň hasabyny Twitter dikeldipdi. Ýöne ozalky prezident sosial tora gaýdyp gelmedi we tarapdarlaryna özüniň Truth Social hususy torunyň üsti bilen ýüzlenmegi makul bildi.
ORIENT habarlar
