DIM-de Türkmenistanyň BMG we onuň agentlikleri bilen gatnaşyklary ara alnyp maslahatlaşyldy
Türkmenistanyň DIM-de BMG-niň ýurtdaky hemişelik utgaşdyryjysy Dmitriý Şlapaçenko bilen duşuşyk geçdi. Duşuşygy penşenbe güni daşary işler ministriniň orunbasary Mähri Bäşimowa geçirdi.
Taraplar Türkmenistanyň BMG we onuň agentlikleri bilen gatnaşyklaryň netijelidigini bellediler, häzirki alnyp barylýan we geljekki taslamalara garadylar, hyzmatdaşlyk etmegiň möhüm ugurlary barada gürrüň etdiler. Türkmenistanyň BMG bilen gatnaşyklarynyň ýurduň daşary syýasy ýörelgesiniň strategik ugry bolup durýandygy nygtaldy.
Mähri Bäşimowa we Dmitriý Şlapaçenko 2021-2025-nj ýyllarda Türkmenistanyň hökümeti bilen BMG-niň arasynda durnukly ösüş babatda hyzmatdaşlygyň Çarçuwaly maksatnamasynyň durmuşa geçirilişini ara alyp maslahatlaşdylar.
Bu resminama ykdysady durnuklylygy we ösüşi saklamak, ilatyň durmuş taýdan hukuklaryny goramak, saglygy goraýyş ulgamyny kämilleşdirmek we ekologiýa sazlaşygyny gorap saklamak bilen birlikde, dürli ulgamlarda Türkmenistanyň BMG bilen mundan beýläk-de gatnaşyk etmegine ýardam bermäge gönükdirilendir.
ORIENT news
