Türkmenistanyň zenanlar milli futbol topary 2024-nji ýylda geçiriljek Olimpiýa oýunlaryna gatnaşmaga mümkinçilik alar
12-nji ýanwarda Aziýa Futbol Konfederasiýasy (AFK) Aziýa yklymy üçin 2024-nji ýylda geçiriljek Olimpiýa oýunlarynyň aýal-gyzlar toparlarynyň birinji tapgyry üçin bije çekişligi geçirer.
Indiki tapgyra çykmak hukugyna dört sebede bölünen 31 zenan topary dalaş eder.
Türkmenistanyň futbol boýunça zenanlar ýygyndy topary kepillikli üçünji sebetde bolar. Biziň zenan futbolçylarymyzdan başga-da onda Palestinanyň, Singapuryň, Bangladeşiň, Liwanyň, Täjigistanyň we Gündogar Timoryň milli ýygyndy toparlary ýerleşýär. Zenanlaryň saýlama ýaryşlarynyň birinji tapgyry 2023-nji ýylyň 3-11-nji apreli aralygynda geçiriler.
Tokionda geçirilen soňky 2020-nji ýyldaky Olimpiýa oýunlarynyň altyn medalyny Kanadanyň ýygyndy topary gazandy. Ikinji orny Şwesiýanyň milli ýygyndysy aldy. Amerikanyň Birleşen Ştatlarynyň wekilleri üçünji ýere mynasyp boldular.
ORIENT news
