Maryda Roždestwo mynasybetli ýarmarka geçirildi – nesilleriň özara gatnaşygy
Prawoslaw Roždestwo Maryda Pokrow ybadathanasynda däp bolan ýörite gulluk we Roždestwo ýarmarkasy bilen bellendi.
Ruhany Dmitriý Kireýew ORIENT-iň habarçysy bilen söhbetdeşlikde: “Türkmenistanda-da bellenilýän Roždestwo prawoslaw buthanasynyň esasy baýramçylyklaryndan biri bolup, bu gün prawoslaw dinine uýýanlar uly bolmadyk Wifleýem şäherinde Iisus Hristosyň dünýä gelen gününi belleýärler” – diýdi.
7-nji ýanwarda ir säher bilen Pokrow ybadathanasynyň ýanynda bu baýram mynasybetli ýarmarka geçirildi, oňa uly we kiçi - köpsanly adam gatnaşdy. Bu ýerde amaly-haşam sungat önümleri, el işleri, zergärçilik we nakgaş eserleri, şeýle hem Roždestwo tagamlary köpçülige hödürlendi.
─ "Şeýle ýarmarkalary geçirmegiň esasy maksady – bu baýramçylykda Hudaý bilen ýakynlygy duýup biljek adamlary, esasanam juwan ýaşlary birleşdirmek" – diýip, ruhany sözüni dowam etdi. – “Ýarmarkamyzda näçe çaganyň bu baýramçylyga öz sowgatlaryny taýýarlandygyny görüp bilersiňiz. Bu sözüň doly nanysynda pikir alyşmaklyk, nesilleriň özara gatnaşygy”.
─ Şeýle ajaýyp baýram güni hemmelere parahatlyk, ýagşylyk, şatlyk, bitewilik, abadançylyk we asuda asman arzuw etmek isleýärin - diýip, iýereý Dmitriý Kireýew aýtdy.
Çäräniň dowamynda animatorlaryň konsert çykyşlary hem boldy.
Artur PETROSÝANS
