Abbasy halyflygynyň altyn dirhemi Mary welaýatynyň taryhy we ülkäni öwreniş muzeýine geçirildi
Baýramaly şäheriniň ýaşaýjysy seýrek duş gelýän altyn dirhemi Mary welaýatynyň taryhy we ülkäni öwreniş muzeýiniň gaznasyna sowgat etdi. Welaýat muzeýiniň işgärleriniň ORIENT-iň habarçysyna aýmagyna görä, arap zikgesiniň seýrek teňňesi biziň eýýamymyzyň 7-10-njy asyrlaryna Abbasy halyflygynyň döwrüne degişlidir. Altyn teňňäniň agramy 4,25 gr deň. Muzeýiň hünärmenlerine teňňäniň arka tarapynda Gurhandan alnan süreleriň ýazylandygyny anyklamak başartdy.
Ähtimal, bu taryhy gymmatlyk görnüşi boýunça Omeýýadlaryň altyn teňňeleriniň (8-nji asyrda abbasylar tarapyndan agdarylan dinastiýa) şekilini gaýtalaýan bolmagy mümkin. Onuň arka ýüzünde Abbasy dinastiýasynyň halyfynyň ady görkezilendir.
Muzeýde bu taryhy gymmatlygy öwrenmek boýunça işleriň dowam etdiriljekdigi bellenildi.
Baýramalynyň ýaşaýjysy teňňäni öz öýüniň golaýynda Murgap derýasynyň kenaryndan tapyp, ony Mary welaýatynyň taryhy we ülkäni öwreniş muzeýine gowşurdy.
Artur Petrosýans
