Russiýa bilen Eýran ulag ýük daşama gatnawlaryny artdyrmak üçin bankara tölegleri optimallaşdyrýarlar
Russiýa bilen Eýran bankara töleg ulgamlaryny birikdirmek barada resmi şertnama baglaşdylar. Eýranyň Şakr banky we Russiýanyň VTB banky 158 banky birleşdirmek we tölegleri, maýa goýumlaryny we beýleki bilelikdäki taslamalary (şol sanda ulag) ýeňilleşdirmek boýunça taslama ýolbaşçylyk eder.
Garşysyna birnäçe sanksiýa yglan edilen iki ýurt bilelikdäki tagallalary üçin täze we örän gyzykly bazarlary açdylar. Bilermenleriň pikiriçe, günbatar sanksiýalarynyň netijeliligine garamazdan, Russiýanyň ykdysadyýeti barha bat alýar we çökgünlik baradaky çaklamalar hakykatdan öte daş düşýär.
Russiýa başga bir ugur tapmalydy we Merkezi Aziýanyň we Eýranyň üsti bilen Hindistana barýan Halkara Demirgazyk-Günorta ulag geçelgesi (INSTC) Russiýa Federasiýasynyň diwersifikasiýa synanyşyklarynyň ilkinji usullaryndan biri boldy.
Iki döwlete garşy girizilen sanksiýalary ykrar edýän Hindistan öz üpjünçilik zynjyrlaryny Eýran we Russiýa bilen baglanyşdyrmakda netijeli mümkinçilikleri görýär.
Halkara tölegler we bu ugurda işlemek logistika üçin elmydama "kelle agyry" döredýär. Russiýa bilen Eýran döwletleriniň ikisi hem amallary ýönekeýleşdirdi, daşarky basyşdan goralýan maliýe maglumat geçiriş mehanizmlerine geçmek bolsa iki ýurduň arasyndaky ykdysady amallaryň ähli görnüşlerini ýeňilleşdirmegi wada berýär.
ORIENT news
