Türkiýäniň çäginde ýer titremesinden soňra gözleg-halas ediş işleri dowam edýär
Türkiýede güýçli ýer titremesinden ejir çeken etraplarda gözleg-halas ediş işleri dowam edýär. Iň soňky maglumaty ORIENT-e Türkiýäniň Türkmenistandaky ilçihanasy berdi.
Tebigy betbagtçylykdan soňra respublikanyň çäginde wepat bolanlaryň sany 6 957 adama ýetdi, ýaralananlaryň sany – 38 224 ýetdi (8-nji fewral gününiň birinji ýarymyndaky ýagdaýa görä). Jemi 5 775 bina weýran bolupdyr.
Gözleg-halas ediş işlerine 96 müň adam gatnaşýar. Ejir çeken welaýatlarda şeýle hem 5 müňden gowrak daşary ýurtly halas edijiler we lukmanlar, şol sanda Türkmenistandan baran halas edijiler bar.
Türkiýe Respublikasynyň Aragatnaşyk müdirligi krizis wagtynda peýda bolup biljek ýalan habarlary ýüze çykarmak üçin dezinformasiýa (ýalan maglumat berme) barada Habar beriş gullugynyň işine badalga berdi.
ORIENT habarlar
