Gazagystan daşary ýurt raýatlary üçin ýaşamaga rugsat almak düzgünlerini täzeledi
Gazagystan daşary ýurt raýatlarynyň hemişelik ýaşamagy üçin rugsady resmileşdirmegiň düzgünlerini täzeledi – diýip, Gazagystanyň IIM-niň metbugat gullugyna salgylanyp, RIA Nowosti habar berýär.
Täze girizilen düzgün daşary ýurtlylara Gazagystandaky ýaşaýan ýeriniň salgysyny tassyklamaga we daşary ýurt raýatynyň şahsyýetini we onuň hukuk derejesini tassyklaýan resminama hökmünde daşary ýurt pasportynyň bolmagyny borçlandyrýar. Daşary ýurt pasportynyň hereket edýän möhleti hemişelik ýaşamak üçin ýüz tutma berlen wagtyndan 180 günden az bolmaly däldir.
Şeýle hem wagtlaýyn ýaşamak üçin rugsat almaga ýaşaýyş jaýynyň eýesiniň özüniň bolmagy, onuň adyndan ynanç hatynyň esasynda hereket edýän şahsyýetiň bolmagy ýa-da jaýyň eýesiniň notarius tarapyndan tassyklanan razylygynyň bolmagy zerurdyr. Üýtgeşmelere görä, razylyk resmileşdirilende görkezilýän salgynyň hasaba alyş kody bolmalydyr.
Gazagystan bilen degişli migrasiýa ylalaşygy bolan döwletleriň raýatlary içerki resminamalary bilen ýurda girip, çykyp, üstaşyr geçip, şeýle hem syýahat edip we respublikanyň içinde wagtlaýyn bolup bilýärler.
Çeşmäniň habar bermegine görä, bu çäreler daşary ýurt raýatlarynyň bolmadyk salgylarda hasaba alynmagyny aradan aýyrmak, şeýle hem ýüz tutuja hiç hili dahyly bolmadyk salgyda hasaba alynmagyny aradan aýyrmak üçin kabul edildi.
ORIENT habarlar
