“Aziýanyň çagalary” gyş oýunlarynda Türkmenistan sportuň haýsy görnüşleri boýunça çykyş eder?
Türkmen türgenleri 23-nji fewraldan 5-nji mart aralygynda Kemerowo oblastynda (Russiýa) geçiriljek “Aziýanyň çagalary” atly II gyşky Halkara sport oýunlarynda figuralaýyn typmak, şort-trek we gar üstünde woleýbol boýunça çykyş ederler.
Bäsdeşlik maksatnamasy gyşky sport görnüşleriniň jemi on görnüşini öz içine alýar. Türkmenistanly figuralaýyn typyjylar 27-nji fewralda we 1-nji martda gysga programma bilen buza çykarlar.
Ýaryşlar Nowokuznesk şäherindäki " Oleg Korolenkonyň Kuznesk metallurglary arenasy" Sport toplumynda geçiriler.
Şol gün Kemerowo şäherindäki "Kuzbass" Buz köşgünde türkmen şort-trekçileri 500 we 1000 metr aralyga konkili ylgamakda medal ugrunda bäsleşerler.
Garda iň oňat woleýbol toparynyň ady Taştagol raýonynda, has takygy “Şeregeş” dag-lyža toplumynda ýüze çykarylar.
“Aziýanyň çagalary” atly II gyşky Halkara sport oýunlaryna 12 ýurtdan we Russiýanyň sekiz sebitinden 867 türgen gatnaşar. Ýaryşlaryň dowamynda ýaş türgenler baýraklaryň 57 sany toplumy ugrunda bäsleşerler.
ORIENT news
