“Gazprom” bilen SOCAR hyzmatdaşlygy ösdürmegiň mümkin bolan ugurlaryny ara alyp maslahatlaşdylar
Sişenbe güni “Gazprom” PJ-niň Geňeşiniň başlygy Alekseý Miller bilen Azerbaýjan Respublikasynyň Döwlet nebit-gaz kompaniýasynyň (SOCAR) prezidenti Röwşan Nejafyň iş duşuşygy geçirildi.
― Taraplar kompaniýalaryň arasyndaky özara gatnaşyklar we hyzmatdaşlygy ösdürmegiň mümkin bolan ugurlary barada pikir alyşdylar – diýip, Russiýanyň Energetika korporasiýasynyň internet sahypasynda habar berilýär.
SOCAR - Azerbaýjanyň döwlet nebit-gaz kompaniýasydyr. Kompaniýanyň işi nebiti, tebigy gazy we gaz kondensatyny gözlemek, çykarmak, gaýtadan işlemek, daşamak we ýerleşdirmek ýaly ugurlary öz içine alýar.
Gazprom” PJ-niň wekilhanasy Azerbaýjanda 2018-nji ýyldan bäri işleýär.
2022-nji ýylyň 15-nji noýabrynda gaz satyn almak we satmak barada täze şertnamanyň çäklerinde Russiýa Azerbaýjana gaz ugradyp başlady. Resminama “Gazprom Export” bilen SOCAR arasynda gol çekildi. Şertnamada 2023-nji ýylyň martyna çenli 1 milliard kub metre çenli gaz üpjünçiligi göz öňünde tutulýar.
2023-nji ýylyň ýanwar aýynda “Gazprom” Özbegistan we Gazagystan bilen Hyzmatdaşlyk boýunça ýol kartasyna gol çekdi.
ORIENT news
