TDHÇB-sy biržanyň işini sanlylaşdyrmak üçin tender geçirýär
Türkmenistanyň Döwlet haryt-çig mal biržasy TDHÇB-nyň işini sanlylaşdyrmak üçin gerekli bolan çözgütleriň işlenip düzülmegi we ornaşdyrylmagy üçin açyk tender geçirýär.
Ýurtda öň kabul edilen döwlet makstanamalaryna laýyklykda biržanyň sanlylaşdyrylmagy geleşikleriň amala aşyrylmagynyň tizleşdirilmegine, eksport baradaky şertnamalaryň sanynyň artmagyna we bäsleşige ukyply türkmen önümleriniň daşary ýurda iberilmeginiň artdyrylmagy üçin gerekli şertleriň döredilmegine ýardam etmelidir.
Tendere gatnaşmak üçin 10-njy fewraldan başlap kompaniýalar şu salga ýazmaça ýüz tutmalaryny tabşyrmalydyrlar: 744000, Türkmenistan, Aşgabat ş., Arçabil şaýoly, jaý 52, TDHÇB. Teklipler 30 iş gününiň dowamynda kabul edilýär.
Goşmaça maglumat bilen şu saýtlardan tanşyp bolýar tmex.gov.tm we exchange.gov.tm.
Habarlaşmak üçin telefon belgileri: 44-60-14; 44-60-10, 44-60-09 (tehniki soraglar üçin).
ORIENT habarlar
