Koreýa Post neşiri Seuldaky türkmen ilçihanasynyň myhmany boldy
Türkmenistan we Koreýa Respublikasy şu gün, 7-nji fewralda iki ýurduň arasynda diplomatik gatnaşyklaryň ýola goýulmagynyň 31 ýyllygyny belleýär. Şu sene mynasybetli Seulda Türkmenistanyň Koreýa Respublikasyndaky Adatdan daşary we Doly ygtyýarly ilçisi Begenç Durdyýewiň The Korea Post halkara žurnalynyň baş redaktory Li Kýong-sek bilen duşuşygy boldy.
Söhbetdeşligiň dowamynda ilçi bu abraýy uly neşiriň ýolbaşçysyna hem-de esaslandyryjysyna döwlet baştutanlarynyň ýolbaşçylygynda syýasy-diplomatik, söwda-ykdysady we medeni-ynsanperwer ulgamlarda iki ýurduň arasyndaky hyzmatdaşlygyň ösüşiniň häzirki tapgyry barada habar berdi. Diplomat türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň ýakynda Günorta Koreýa Respublikasyna amala aşyran resmi saparynyň barşynda gazanylan ylalaşyklaryň gatnaşyklary has-da ösdürmek üçin pugta esas döredendigini belledi.
Şeýle hem Begenç Durdyýew Koreýa Respublikasynda bu esasy neşire wekilçilik edýän žurnalistlere Ahal welaýatynyň täze dolandyryş merkezi – Arkadag şäheri, ol ýerde daşky gurşway goramak, seýsmiki taýdan durnukly gurluşyk, ýaşaýjylaryň howpsuzlygyny we oňaýlylylgyny üojün etmek meseleleri bilen birlikde, “ýaşyl” hem-de “akylly” şäherleri döretmek babatda täze tehnologiýalaryň we öňdebaryjy dünýä tejribesiniň işjeň ornaşdyrylyşy barada giňişleýin gürrüň berdi.
ORIENT news
