Türkmenistanda ýuridiki şahslary hasaba almagy tizleşdirmek üçin goşundy işlenip düzüler
Türkmenistanda statistiki biznes-registr üçin goşundy peýda bolar, ol telekeçilik işjeňligi bilen meşgullanýan ýuridiki we fiziki şahslary hasaba almaklygy tizleşdirer. Programma üpjünçiliginiň döredilmegi biznes-registrler boýunça halkara bilermeni Sergeý Kuziniň ýurda eden saparynyň dowamynda ara alnyp maslahatlaşyldy – diýip, BMGÖM-nyň Türkmenistandaky metbugat beýanatynda habar berilýär.
Milli hyzmatdaşlar bilen duşuşygyň barşynda bilermen edilen işleriň netijesi bilen tanyşdy we PÜ-ni kämilleşdirmek üçin öz maslahatlaryny berdi.
Programma üpjünçiliginiň işlenip düzülmegi BMGÖM-nyň Türkmenistanyň Statistika komiteti bilen bilelikdäki Türkmenistanyň Statistika baradaky döwlet komitetiniň institusional, statistik we maglumat-tehniki mümkinçiliklerini pugtalandyrmak baradaky bilelikdäki taslamasynyň çäklerinde alnyp barylýar.
Ozal taslamalaryň ýerine ýetirilmeginiň çäklerinde Türkmenistanda milli hasaplary kämilleşdirmek boýunça we 2008-nji ýylyň Milli hasaplar ulgamyny (MHU) girizmek boýunça çäreleriň birnäçesi geçirildi.
ORIENT habarlar
