HOK ýetginjekleriň Kanwondoda geçiriljek Olimpiýa oýunlary üçin medallaryň iň gowy dizaýny üçin bäsleşige badalga berdi
Halkara olimpiýa komiteti 2024-nji ýylyň 19-njy ýanwaryndan 1-nji fewraly aralygynda Koreýa Respublikasynyň Kanwondo şäherinde geçiriljek IV gyşky ýetginjekler Olimpiýa oýunlarynyň medalynyň dizaýnyny işläp düzmek boýunça bäsleşige badalga berdi.
Bu bütin dünýäden bolan döredijilik adamlary, kreatiw şahslar üçin öz zehiniňi görkezmek we olimpiýadanyň taryhynyň bir bölegi bolmak üçin ýene-de bir mümkinçilikdir. Eminler tarapyndan saýlanan ýaryşlaryň sylaglarynyň dizaýny altyndan, kümüşden we bürünçden guýlar we Oýunlarda baýrakly orunlary alan türgenlere gowşurylar.
Bäsleşigiň eminleri HOK-niň ýaş habarçylaryndan, Kanwondo-2024 Oýunlarynyň wekillerinden, HOK-niň ýaş liderlerinden durar.
Awtorlara işleri 2023-nji ýylyň 8-nji martyna çenli bäsleşigiň resmi saýtyna ugratmak gerek. Netijeler aýyň aýagyna çenli yglan ediler.
Medalyň ýüz tarapynyň dizaýnynyň birinji orny alan awtory ýaryşlaryň özüne gatnaşmaga iki adamlyk ýollama alar, ýaryşlaryň açylyş dabarasyna we Oýunlaryň sport çärelerine gatnaşmaga mümkinçiligi bolar. Gurnaýjylar şeýle hem ikinji we üçünji baýrakly orunlary aljaklara sowgatlary taýýarladylar.
ORIENT habarlar
