TDHÇMB-daky söwdalaşyklar: nebit koksy we nah ýüplügi uly islege eýe boldy
Çarşenbe güni, 1-nji fewralda Türkmenistanyň Döwlet haryt-çig mal biržasyndaky söwdalaşyklarda jemi bahasy $2,7 mln amerikan dollaryna we 95,3 mln türkmen manadyna deň bolan 16 geleşik baglaşyldy – diýip, ORIENT-iň habarçysy habar berýär.
Türkiýeden gelen telekeçiler söwdalaşyklaryň barşynda nah ýüplügiň dürli görnüşleriniň 1 mln kg-dan gowragyny $2,7 mln. amerikan dollaryna satyn aldylar. Şu önüm manat serişdelerine BAE-ne we Türkiýä eksport edildi, jemi - 571,5 kg nah ýüplügi 24,8 mln türkmen manadyna satyldy.
Içerki bazarda ýerli telekeçiler ýakylan nebit koksunyň 5 müň tonnasyny 70,5 mln TMT satyn aldylar.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT habarlar
