Kerki şäherine täze dermanhanasy açyldy
Kerki şäherine täze dermanhanasy açyldy
Şu gün Lebap welaýatynyň Kerki şäherinde Türkmenistanyň Senagatçylar we telekeçiler birleşmesiniň agzasy bolan “Tebigat Çeşmesi” hususy kärhanasynyň dermanhana şahamçasynyň açylyş dabarasy boldy.
Dabarada medeniýet işgärleriniň we sungat ussatlarynyň aýdym-sazly çykyşlary ýerine ýetirilip, ajaýyp wakanyň toý öwüşginini artdyrdy.
Türkmen halkynyň Milli Lideri Gurbanguly Berdimuhamedowyň uly tagallalary bilen işlenilip taýýarlanylan we häzirki wagt hormatly Prezidentimiz Serdar Berdimuhamedowyň ýolbaşçylygynda üstünlikli amala aşyrylmagy dowam edýän “Saglyk” döwlet maksatnamasynda kesgitlenen wezipeleri ýerine ýetirmegiň çäklerinde ýurdumyzyň welaýatlarynda halkymyzyň saglygyny üpjün etmäge gönükdirlen degişli binalaryň gurulmagy dowam edýär. Şeýle düzümlerde täzeçil tehnologiýalar, dünýä ylmynyň öňdebaryjy gazananlary adamlaryň saglygynyň goraglylygyna gönükdirilýär.
Şeýlelikde bolsa, Kerki şäherinde täze açylan dermanhana bu ugra degişli düzümleriň üstüni ýetirdi. Şäheriň A.Nyýazow köçesiniň ugrunda gurlan dermanhananyň umumy eýeleýän meýdany 500 inedördül metr bolup, ol ilata derman serişdeleri bilen baglanyşykly hyzmatlary ýola goýýan ugurdaş desgalara bildirilýän ähli talaplara doly laýyk gelýär.
Bir gatly dermanhanada derman serişdeleriniň, lukmançylyk enjamlary önümleriniň we ammar bölümleri ýerleşdirildi.
Dermanhananyň tehniki taýdan hem-de derman serişdeleri we lukmançylyk enjamlary bilen üpjünçiligi babatda hemme zerurlyklar göz öňünde tutulypdyr. Bu ýerde dermahnana bölümleri we töleg nokatlary döwrebap enjamlar bilen enjamlaşdyrylypdyr we sanly ulgama birikdirilendir. Şeýle hem täze dermanhana Türkmenistanda öndürilen dermanlyk ösümliklerinden taýýarlanan melhemler, derman serişdeleri we lukmançylyk enjamlary, Ýewropa döwletleriniň öňdebaryjy öndürijileriniň derman serişdeleri we lukmançylyk enjamlary bilen üpjün edilipdir. Önümleriň ýokary hilli we elýeter bahadan bolmagy bolsa döwlet tarapyndan bildirilýän möhüm talaplaryň biridir.
