Türkmenistanyň Prezidenti Belgiýanyň Patyşasyny gutlady
Türkmenistanyň Prezidenti Belgiýanyň Patyşasyny gutlady
Hormatly Prezidentimiz Serdar Berdimuhamedow Türkmenistanyň halkynyň we Hökümetiniň adyndan, şeýle hem hut öz adyndan Belgiýanyň Patyşasy Filippe hem-de ýurduň halkyna Türkmenistan bilen Belgiýa Patyşalygynyň arasynda diplomatik gatnaşyklaryň ýola goýulmagynyň 30 ýyllygy mynasybetli tüýs ýürekden gutlaglaryny hem-de iň gowy arzuwlaryny iberdi.
“Biziň döwletlerimiziň arasyndaky gatnaşyklar birek-birege hormat goýmak, deňhukuklylyk hem-de özara ynanyşmak ýörelgelerine esaslanýar. Türkmenistan ikitaraplaýyn gatnaşyklaryň giňeldilmegine gyzyklanma bildirýär. Ýurtlarymyzyň arasyndaky hyzmatdaşlygyň geljekde hem bilelikdäki tagallalar netijesinde halklarymyzyň bähbidine mundan beýläk-de ösdüriljekdigine ynanýaryn” diýip, döwlet Baştutanymyz gutlag hatynda belleýär.
Hormatly Prezidentimiz şu ýakymly mümkinçilikden peýdalanyp, Patyşa Filippe tüýs ýürekden berk jan saglyk, bagtyýarlyk we abadançylyk, Belgiýanyň halkyna bolsa, ösüş hem-de rowaçlyk arzuw etdi.
