Serdar Azmun nemes “Baýerinden” fransuz “Marseline” geçip biler
Sankt-Peterburgyň “Zenit” futbol klubynyň ozalky hüjümçisi, asly türkmen eýran futbolçysy Serdar Azmun häzirki wagtda nemes “Baýerini” fransuz “Marseline” çalşyp biler – diýip, L'Equipe habar berýär.
Çeşmäniň berýän habaryna görä, Leverkuzen kluby bilen 2027-nji ýyla çenli şertnama baglaşan 28 ýaşly hüjümçiniň transfer edilmegi baradaky gepleşiklere ozal “Zenit”-iň, häzirki wagtda “Marseliň” sport müdiri Hawer Ribalta tarapyndan badalga berildi. Mümkin bolan topar çalyşma 10 million ýewro düşer diýlip çaklanylýar.
Azmoun şu möwsümde “Baýer” üçin 13 gezek çykyş edip, iki sany netijeli geçirim bilen tapawutlandy.
Hüjümçiniň hasabynda “gök-ak-mawylar” üçin oýnalan 104 oýunda 62 gol we 17 geçirim bar. “Zenit”-iň düzüminde Azmun üç sapar ýurduň çempiony, Russiýanyň bir Kubogynyň we iki sany naýbaşy kubogynyň eýesi boldy. Hüjümçi Russiýa Futbol Bileleşiginiň hasabatyna görä, 2019/20 möwsümde iň köp pökgi geçiren we 2020/21 möwsüminiň iň gowy futbolçysy boldy. Russiýada Azmun Kazanyň “Rubin” we “Rostow” toparlarynyň düzüminde hem oýnady.
ORIENT news
