Türkmenistanda robot tehnikasy boýunça ýetginjekleriň arasynda ýaryşlar geçiriler
Ýanwar 31, 2023 | 11:02 |6263
Türkmenistanyň Bilim ministrligi robot tehnikasy boýunça ýetginjekleriň arasynda ýaryş geçirer. Çäräni geçirmegiň tertibi baradaky Düzgünnama ministrligiň resmi saýtynda çap edildi .
Talyplaryň, mekdep okuwçylarynyň we 30 ýaşa çenli bolan ýaşlaryň arasyndaky bäsleşik olaryň maglumatlar tehnologiýalary, şol sanda robot tehnikasy babatyndaky bilimlerini kämilleşdirmäge, şeýle hem olary täze oýlap tapyşlara höweslendirmäge ýardam etmäge niýetlenendir.
Bäsleşigiň eminleri işleri hem ýekelikde, hem toparlaýyn bahalar bilen bahalandyrarlar. Ýeňijileriň atlary bäsleşigiň her tapgyry geçirilenden soň belli bolar.
Bäsleşigiň geçiriljek senesi Bilim ministrligi tarapyndan kesgitlener.
ORIENT habarlar
