Türkmen dzýudoçylary Fransiýada Uly Tuwalga ýaryşynda çykyş ederler
Türkmenistanyň dzýudoçylary Parižde fewralyň başynda bolup geçjek Uly Tuwalga halkara ýaryşynda öz ussatlygyny görkezerler. Bu barada ORIENT-e Dzuýudo milli federasiýasynda habar berdiler.
Türkmen toparynyň düzümine Hakberdi Jumaýew (60 kg çenli), Aýbek Omirow (60 kg çenli), Hekim Agamämmedow (66 kg çenli), Serdar Rahymow (66 kg çenli), Parahat Nazarow (73 kg çenli), şeýle hem Aksoltan Hojageldiýewa (48 kg çenli), Kurbanaý Kurbanowa (48 kg çenli) we Maýsa Perdäýewa (57 kg çenli) girdiler.
Halkara dzýudo federasiýasy tarapyndan geçirilýän ýaryş 80 ýurtdan jemi 500 göreşijini ýygnar.
Türkmen türgenleri beýleki abraýly ýaryşlardan soňra – Portigaliýada geçen Gran-priden soňra Pariže bararlar. Ol ýerde hem bu düzüm Türkmenistana wekilçilik etdi.
Gran-pride Serdar Rahymow 66 kg çenli agyrlyk derejesinde çykyş edip, öz ugrunda iň gowy bäşligiň hataryna girdi. Türkmen türgeni 6 göreşden 4-sinde ýeňiş gazandy.
ORIENT habarlar
