Belarus alymlary mekdep naharhanalarynyň işiniň täzeden ýola goýulmagyny taýýarlaýarlar
Belarussiýadaky mekdep naharhanalaryny häzirkizaman, howpsuz we okuwçylar üçin iň amatly iýmit bilen üpjün edilip başlanar. BELTA-nyň habar bermegine görä, aşpezlik taslamasy ýurduň 21 mekdebinde synag tertibinde ýola goýuldy.
Belarus alymlary täze menýunyň üstünde işleýärler, olaryň maksady – çagalara niýetlenen tagamlary tagamly we zyýansyz etmek. Sanawdaky şepbeşik şüleler tagamyň seçelenip duran görnüşlerine çalşyldy, bugda taýýarlanan gök önümler, hot-doglar, towuk budy goşuldy. Mekdep naharlaryny gowulandyrmak boýunça Bilim ministrligi tarapyndan başlanan synag baharda tamamlanar. Şondan soňra tagamlaryň sanawyny üýtgetmek kararyna gelner.
Mekdep okuwçylary naharhanada girizilen “täzelikleri” - iň gowy görýän sneklerini (ýeňil tagamlar): az mukdarda duzlanan we süýjedilen mekgejöwen taýajyklaryny we batonjyklary, kalsiý bilen baýlaşdyrylan köpdürli dänelerden taýýarlanan kökejikleri “synagdan geçirýärler”. Şeýle önümler mekdep naharhanasyndaky adaty süýjülikleriň ornuny tutup biler.
Şeýle hem, öndürijiler düzümindäki ýagyň mukdary azaldylan we iýmitleniş kadalaryna laýyk gelýän gowrulan ýeralma tagamynyň we şokolad örtükli peýnirjikleriň hem taýýarlanyş tehnologiýasyny kämilleşdirýärler.
ORIENT news
